გაცვლა ეს არის ბათუმის ფოტოდღეების ახალი სახელწოდება, რომელიც არის ყოველწლიური ღონისძიება და ტარდება ბათუმში. ღონისძიების ისტორია 2015 წელს დაიწყო, როდესაც უკრაინელს და ქართველ ორგანიზატორების პარტნიორობით პირველად გაიმართა ოდესა//ბათუმი ფოტოდღეების ფესტივალი. ფესტივალი ყოველწლიური ღონისძიება იყო და იმართებოდა ოდესასა და ბათუმში. დროთა განმავლობაში სხვადასხვა საჭიროებების და მოთხოვნების გათვალისწინებით ორგანიზატორებმა გადაწყვიტეს ფესტივალში განცალკევება და 2018 წლიდან, საქართველოში ფესტივალი ბათუმი ფოტოდღეების სახელით იმართება. ღონისძიების მთავარი ორგანიზატორია ბათუმის თანამედროვე ხელოვნების სივრცე.
ამ დროის განმავლობაში ფესტივალი იზიდავდა არა მარტო ფოტოგრაფებს, არამედ სხვა ვიზუალურ ხელოვანებს, მწერლებს და მუსიკოსებს, აქედან გამომდინარე ორგანიზატორებმა გადაწყვიტეს გაეფართოებინათ ფესტივალის ფორმატი და 2020 წლიდან სექტორთაშორის თანამშრომლობის პლატფორმად აქციეს, სახელწოდებით გაცვლა.
გაცვლა - მთავარი ღონისძიებები 4-6 ივნისს გაიმართება, ხოლო გამოფენები გასტანს ივლისის ბოლომდე.
მულტიმედიური და თანამშრომლობითი პროექტები, გამოფენების, დისკუსიების, პრეზენტაციების და ავტორებთან შეხვედრების სახით გაიმართება ღონისძიების ფარგლებში, საგანმანათლებლო და რეზიდენციების პროგრამებთან პარალელურად.
ღონისძიების მთავარი თემაა ფაქიზი, კონცეფცია რომელიც გლობალურ პრობლემატიკას ეხმიანება, როგორიც ბუნების დაცვა და ადამიანის უფლებები. ეს საკითხები მუდმივად აქტუალური იყო და ამჟამად კიდე უფრო მწვავედ დგას კაცობრიობის წინაშე, ეხლა იმ კრიტიკულ ზღვარზე ვიმყოფებით როდეს გონივრული გადაწყვეტილებებია მისაღები.
მთავარი თემა ფაქიზი თავის თავში სამ თანმიმდევრულ თემას მოიცავს სახელმწიფო, ბუნება და ადამიანი ,სამივე მიმართულება კი თავისმხრივ მთავარ თემას ეხმიანება.
