ღონისძიება

ბათუმის თანამედროვე ხელოვნების სივრცეში ექვსი ახალგაზრდა ხელოვანის ნამუშევრების გამოფენა გაიმართა.

ექსპოზიციაში წარმოდგენილი იყო ჯეინი მხიტარიანის, სალომე კილაძის, ვიოლეტა ყურშუბაძის, მარიამ თავდგირიძის, ანა ინაიშვილის , ანანო კონცელიძისა და ანეტა ჯაბნიძის შემოქმედება. გამოფენაზე დამთვალიერებელს შესაძლებლობა ჰქონდა, გაცნობოდა ახალგაზრდა ხელოვანების განსხვავებულ შემოქმედებით ხედვებსა და ნამუშევრებს, რომლებიც სხვადასხვა მხატვრულ მიმართულებასა და ინდივიდუალურ მიდგომას აერთიანებდა. თანამედროვე ხელოვნების სივრცე აქტიურად უჭერს მხარს ახალგაზრდების შემოქმედებით ინიციატივებს, ხელს უწყობს მათი ნამუშევრების ფართო აუდიტორიისთვის გაცნობასა და თანამედროვე ხელოვნებაში ახალი სახელების წარმოჩენას.

თანამედროვე ხელოვნების სივრცეში ლიზა ჩაგანავას პერსონალური გამოფენა „ფერთა დიალოგი“ გაიხსნა

გამოფენა ხუთი დღის განმავლობაში გაგრძელდება და დამთვალიერებელს შესაძლებლობას მისცემს, გაეცნოს ავტორის შემოქმედებას, მის ინდივიდუალურ ხედვასა და ფერების მრავალფეროვან სამყაროს. გამოფენის მიზანია ახალგაზრდა ხელოვანების მხარდაჭერა, მათი შემოქმედების ფართო საზოგადოებისთვის გაცნობა და თანამედროვე ხელოვნების პოპულარიზაცია. თანამედროვე ხელოვნების სივრცე აქტიურად აგრძელებს ახალგაზრდა ხელოვანებისთვის პლატფორმის შექმნას, მათი შემოქმედებითი პოტენციალის წარმოჩენასა და ბათუმის კულტურული ცხოვრების გამრავალფეროვნებას

თანამედროვე ხელოვნების სივრცეში ახალგაზრდა ხელოვანების ნამუშევრების გამოფენა გაიმართა.

თანამედროვე ხელოვნების სივრცეში ახალგაზრდა ხელოვანების, გუკა (გურამ) სურგულაძის, სანდრო ხოზრევანიძის, რევაზ ყურშუბაძისა და გიგი იმნაძის ნამუშევრების გამოფენა გაიმართა. ექსპოზიციაზე წარმოდგენილი იყო ახალგაზრდა ავტორების ფერწერული და კერამიკული ნამუშევრები, რომლებიც მათ ინდივიდუალურ შემოქმედებით ხედვასა და მიდგომებს ასახავდა. გამოფენა ბათუმისა და ლაზეთის მიტროპოლიტის, მეუფე დიმიტრის ლოცვა-კურთხევით, წმინდა ბარბარეს ეკლესიასთან არსებული საკვირაო სკოლის არტთერაპიის სახელოსნოს ფარგლებში მოეწყო. პროექტის ხელმძღვანელი და პედაგოგია დეკანოზი შიო პაიჭაძე. გამოფენა მიზნად ისახავდა ახალგაზრდა ხელოვანთა შემოქმედების წარმოჩენას, მათი ნამუშევრების ფართო აუდიტორიისთვის გაცნობასა და შემოქმედებითი შესაძლებლობების განვითარებას. თანამედროვე ხელოვნების სივრცე მომავალშიც გააგრძელებს ახალგაზრდა ავტორების მხარდაჭერას

თანამედროვე ხელოვნების სივრცეში იოსებ ჯორბენაძის პერსონალური გამოფენა ,,TNT’’ გაიმართა

გამოფენა მხატვრის შემოქმედების სხვადასხვა ეტაპს აერთიანებს. „TNT“-ის მთავარი იდეა აფეთქებაა ძალის, ენერგიის, ემოციის, სიყვარულისა და შემოქმედებითი იმპულსის სიმბოლო, რომელიც დაგროვილ გამოცდილებას ახალ ფორმად გარდაქმნის. გამოფენის ფარგლებში წარმოდგენილია როგორც სხვადასხვა პერიოდის ნამუშევრები, ასევე ახალი ნამუშევრები და ცოცხალი პერფორმანსი. ღონისძიების მიზანია თანამედროვე ხელოვანების მხარდაჭერა და მათი შემოქმედების ფართო მასშტაბებისთვის გაცნობა. გამოფენა აჭარის კულტურის სამინისტროს მხარდაჭერით განხორციელდა.

CAS TALKS-ის შეხვედრა „როგორ იწყება ახალგაზრდა ხელოვანის გზა“.

თანამედროვე ხელოვნების სივრცეში ახალგაზრდა ხელოვანების გამოფენა გაიმართა, რომელმაც ახალი თაობის ავტორების ნამუშევრები და მათი შემოქმედებითი გზის დასაწყისი გააერთიანა. გამოფენის ფარგლებში გაიმართა CAS TALKS-ის შეხვედრაც — „როგორ იწყება ახალგაზრდა ხელოვანის გზა“. შეხვედრაზე ისაუბრეს პროფესიული განვითარების პირველ ნაბიჯებზე, შემოქმედებით გამოწვევებზე, საკუთარი მხატვრული ენის ძიებასა და თანამედროვე ხელოვნების სფეროში არსებულ შესაძლებლობებზე. ღონისძიების მიზანია ახალგაზრდა ხელოვანების მხარდაჭერა, მათი შემოქმედების პოპულარიზაცია და თანამედროვე ხელოვნების სივრცეში ახალი თაობის წარმოჩენის ხელშეწყობა.

როგორ იწყება ახალგაზრდა ხელოვანის გზა? CAS TALKS

როგორ იწყება ახალგაზრდა ხელოვანის გზა? გიწვევთ CAS TALKS-ის შეხვედრაზე თემაზე „როგორ იწყება ახალგაზრდა ხელოვანის გზა“. შეხვედრის სტუმრები იქნებიან ხელოვნებათმცოდნე რატი ჩიბურდანიძე და მხატვარი, გრაფიტის არტისტი იოსებ ჯორბენაძე. საუბარი შეეხება ახალგაზრდა ხელოვანის პროფესიული გზის დასაწყისს, პირველ ნაბიჯებსა და გამოწვევებს, საკუთარი მხატვრული ენის ძიებას და იმ შესაძლებლობებს, რომლებსაც თანამედროვე ხელოვნების სფერო ახალ თაობას სთავაზობს. თანამედროვე ხელოვნების სივრცე 9 სექტემბერი 20:00 დასწრება თავისუფალია

როგორ იწყება ახალგაზრდა ხელოვანის გზა? ჯგუფური გამოფენა • Cas Talks

9 სექტემბერს, 20:00 საათზე, თანამედროვე ხელოვნების სივრცეში ჯგუფური გამოფენა გაიხსნება, რომელშიც მონაწილეობენ ახალგაზრდა ხელოვანები: * მარიამ ჭაღალიძე * ანა ერქომაიშვილი * მარია ცეცხლაძე * დალილა მიქელაძე * ანეტი ქარცივაძე გამოფენის გახსნის ფარგლებში გაიმართება CAS TALKS შეხვედრა თემაზე „როგორ იწყება ახალგაზრდა ხელოვანის გზა“. შეხვედრის სტუმრები იქნებიან ხელოვნებათმცოდნე რატი ჩიბურდანიძე და მხატვარი, გრაფიტის არტისტი იოსებ ჯორბენაძე. საუბარი შეეხება ახალგაზრდა ხელოვანის პროფესიული გზის დასაწყისს, პირველ ნაბიჯებს, ამ პროცესთან დაკავშირებულ გამოწვევებს, საკუთარი მხატვრული ენის ძიებას და იმ შესაძლებლობებს, რომლებიც თანამედროვე ხელოვნების სფეროში ახალ თაობას ეძლევა. თანამედროვე ხელოვნების სივრცე 9 სექტემბერი 20:00 დასწრება თავისუფალია

გიორგი მჟავანაძის პერსონალური გამოფენა „სხვა სამყარო“

თანამედროვე ხელოვნების სივრცე წარმოგიდგენთ მხატვარ გიორგი მჟავანაძის პერსონალურ გამოფენას „სხვა სამყარო“, რომელიც გაიხსნება 15 აგვისტოს, 20:00 საათზე. ექსპოზიცია აერთიანებს ავტორის ნამუშევრებს, რომლებიც დამთვალიერებელს განსხვავებულ, წარმოსახვით რეალობაში ამოგზაურებს. გამოფენაზე წარმოდგენილი იქნება პარალელური სამყაროების იდუმალი სილუეტები და გამორჩეული პერსონაჟები, რომლებიც ვიზიტორებს საკუთარი ინტერპრეტაციისა და აღქმის სივრცეს უტოვებს. გიორგი მჟავანაძის შემოქმედება გამოირჩევა ორიგინალური მხატვრული ხედვით, ფანტასტიკური სიუჟეტებითა და ექსპერიმენტული ფორმებით. მის მიერ შექმნილი პერსონაჟები თითქოს სხვა განზომილებაში არსებობენ, თუმცა მათში ადამიანური განცდები : სიყვარული, სევდა და ემოციების მრავალფეროვნება მკაფიოდ იკითხება. ექსპოზიცია დამთვალიერებლებს 15–22 აგვისტოს უმასპინძლებს. დასწრება თავისუფალია.

ლევან ლაზარიშვილის პერსონალური გამოფენა „გალაქტიკის სერია“

თანამედროვე ხელოვნების სივრცე წარმოგიდგენთ მხატვარ ლევან ლაზარიშვილის პერსონალურ გამოფენას „გალაქტიკის სერია“. გამოფენა წარმოადგენს ავტორის შემოქმედების ახალ ეტაპს, სადაც ფერწერული ნამუშევრების საშუალებით იკვეთება კოსმოსური სივრცეების, წარმოსახვისა და აბსტრაქტული ფორმების მრავალფეროვანი ინტერპრეტაციები. გამოფენის გახსნა გაიმართება 3 აგვისტოს, 16:00 საათზე, თანამედროვე ხელოვნების სივრცეში [ზ. გამსახურდიას ქ. 1/5, ბათუმი] ექსპოზიცია დამთვალიერებლებს 3–8 აგვისტოს უმასპინძლებს. დასწრება თავისუფალია.