BIIMO არის ანონიმური ქართველი მულტიმედია არტისტი, რომლის მიზანია მოვლენების კრიტიკულად გაანალიზება. ძირითადად, მისი ნამუშევრები ეძღვნება თანასწორობას, ადამიანის თავისუფლებას, იდენტობას და გააზრებას თუ ვინ ვართ ჩვენ.

BIIMO-ს ინსტალაციები ძირითადად ქუჩაშია განთავსებული, ის იყენებს სკულპტურებს, AR-ს და აუდიოვიზუალურ ხელოვნებას. მისი ბოლო ინსტალაცია პროექციის საშუალებით, წარწერით “PUPPET HOUSE” განთავსდა საქართველოს პარლამენტის შენობაზე და მიემართებოდა მთავრობას, რომელმაც ვერ დაიცვა ჟურნალისტების უსაფრთხოება, LGBTQ+ ადამიანების გამოხატვის თავისუფლება და არ მიიღო შესაბამისი ზომები რადიკალური ჯგუფების მხრიდან ფიზიკური ძალადობის საფრთხის შესაკავებლად.

კონცეფცია 

სოციალურ ქსელში ადამიანი საშუალოდ 60 წუთიდან 140 წუთამდე ატარებს ყოველდღიურად. ჩვენ ვაზიარებთ განცდებს, აზრებს, იდეებს, წარმატებებს და გამოწვევებს ისე, რომ ვერ ვაანალიზებთ, ვის ვაძლევთ წვდომას პერსონალურ ინფორმაციაზე, როგორ შეიძლება შექმნან შეგროვებული მონაცემებით მახასიათებელი პროფილი და მოახდინონ არჩევანზე ზემოქმედება სხვადასხვა ხერხებით.

ჩვენ ვხდებით სხვადასხვა სისტემების პროდუქტი, რომლებიც გვკარნახობენ როგორი არის სილამაზე, ბედნიერი ცხოვრება და სრულყოფილი სამყარო.

სრული გამოფენის სანახავად დაგჭირდებათ მობილური ტელეფონი.

პროექტი ArtUp Street Gallery