თანამედროვე ხელოვნების სივრცე ბათუმი

სტაჟირება ბათუმის თანამედროვე ხელოვნების სივრცეში

CAS ბათუმი იწვევს მსურველებს სტაჟირების გასავლელად ონლაინ კონტენტის შექმნისა და მართვის მიმართულებით.

სტაჟირების პროგრამის შექმნის მიზანია, თანამედროვე ხელოვნებით დაინტერესებული ახალგაზრდებისთვის სივრცის მიერ დაგეგმილ ღონისძიებებზე ხელმისაწვდომობის გაზრდა. დაინტერესებულ პირებს მიეცეთ საშუალება გაიღრმავონ ცოდნა და გამოცდილება.

2022 წელს თანამედროვე ხელოვნების სივრცეში დაგეგმილია (ადგილობრივი და უცხოელი) არტისტების ნამუშევრების გამოფენები და საგანმანათლებლო აქტივობები, ასევე თანამედროვე ხელოვნების ყოველწლიური ფესტივალი Interchange. სტაჟიორს საშუალება ექნება ჩაერთოს საორგანიზაციო პროცესებში.

ჩვენი მოლოდინები:

თანამედროვე ხელოვნებით დაინტერესება;
ქართულად და ინგლისურად გამართულად წერის უნარი;
სოციალური მედია პლატფორმების მართვის საბაზისო დონეზე ცოდნა ან შესწავლის სურვილი;
ვიზუალურ კონტენტზე მუშაობის გამოცდილება;
უპირატესობად ჩაითვლება, ბლოგპოსტების წერის უნარი.

ფუნქცია-მოვალეობები:

Facebook, Instagram და Youtube არხებში კონტენტის დაგეგმვა კვირაში ერთხელ; სარეკლამო კამპანიების დაგეგმვა ღონისძიებების კალენდრის მიხედვით;
სხვადასხვა ონლაინ პლატფორმებზე ღონისძიებების შესახებ ინფორმაციის განთავსება თანამედროვე ხელოვნების სივრცის ონლაინ ხილვადობის გაზრდის მიზნით;
ყოველთვიური გამოწერის [newsletter] მომზადება;
დაინტერესების შემთხვევაში, თანამედროვე ხელოვნების სივრცის სხვა პროცესებშიც ჩართვა.

პირობები:

სამუშაო ადგილი: ბათუმი, თანამედროვე ხელოვნების სივრცე (შესაძლებელია დისტანციურად მუშაობა)
სამუშაო საათები: თავისუფალი, სივრცის მიერ დაგეგმილი ღონისძიებების ვადების მიხედვით.
ხანგრძლივობა: 3 თვე (გაგრძელების პერსპექტივით ,ორმხრივი შეთანხმების შემთხვევაში)
განაცხადების მიღება იწარმოებს პოზიციის შევსებამდე
მსურველებმა უნდა გამოგვიგზავნონ სამოტივაციო წერილი და CV ქართულ ან/და ინგლისურ ენაზე ერთ PDF ფაილად
განცხადებები მიიღება ელქტრონულად შემდეგ მისამართზე: info@casbatumi.ge (მეილის სათაურში მიუთითეთ სიტვყა INTERNSHIP)

შეკითხვების შემთხვევაში, მოგვმართეთ ელ.ფოსტაზე info@casbatumi.ge იმავე სათაურის მითითებით.

გიორგი მჟავანაძის პერსონალური გამოფენა „სხვა სამყარო“

თანამედროვე ხელოვნების სივრცე წარმოგიდგენთ მხატვარ გიორგი მჟავანაძის პერსონალურ გამოფენას „სხვა სამყარო“, რომელიც გაიხსნება 15 აგვისტოს, 20:00 საათზე. ექსპოზიცია აერთიანებს ავტორის ნამუშევრებს, რომლებიც დამთვალიერებელს განსხვავებულ, წარმოსახვით რეალობაში ამოგზაურებს. გამოფენაზე წარმოდგენილი იქნება პარალელური სამყაროების იდუმალი სილუეტები და გამორჩეული პერსონაჟები, რომლებიც ვიზიტორებს საკუთარი ინტერპრეტაციისა და აღქმის სივრცეს უტოვებს. გიორგი მჟავანაძის შემოქმედება გამოირჩევა ორიგინალური მხატვრული ხედვით, ფანტასტიკური სიუჟეტებითა და ექსპერიმენტული ფორმებით. მის მიერ შექმნილი პერსონაჟები თითქოს სხვა განზომილებაში არსებობენ, თუმცა მათში ადამიანური განცდები : სიყვარული, სევდა და ემოციების მრავალფეროვნება მკაფიოდ იკითხება. ექსპოზიცია დამთვალიერებლებს 15–22 აგვისტოს უმასპინძლებს. დასწრება თავისუფალია.

ლევან ლაზარიშვილის პერსონალური გამოფენა „გალაქტიკის სერია“

თანამედროვე ხელოვნების სივრცე წარმოგიდგენთ მხატვარ ლევან ლაზარიშვილის პერსონალურ გამოფენას „გალაქტიკის სერია“. გამოფენა წარმოადგენს ავტორის შემოქმედების ახალ ეტაპს, სადაც ფერწერული ნამუშევრების საშუალებით იკვეთება კოსმოსური სივრცეების, წარმოსახვისა და აბსტრაქტული ფორმების მრავალფეროვანი ინტერპრეტაციები. გამოფენის გახსნა გაიმართება 3 აგვისტოს, 16:00 საათზე, თანამედროვე ხელოვნების სივრცეში [ზ. გამსახურდიას ქ. 1/5, ბათუმი] ექსპოზიცია დამთვალიერებლებს 3–8 აგვისტოს უმასპინძლებს. დასწრება თავისუფალია.

თანამედროვე ხელოვნების სივრცის მენეჯერად გოგა ანთიძე დაინიშნა

აჭარის კულტურის მინისტრმა, ელისო ბოლქვაძემ, თანამედროვე ხელოვნების სივრცის ახალი ხელმძღვანელი წარადგინა. თანამედროვე ხელოვნების სივრცის მენეჯერის პოზიციაზე გოგა ანთიძე დაინიშნა მინისტრმა, თანამედროვე ხელოვნების სივრცეში გამართულ შეხვედრაზე სამინისტროს ხედვებსა და პრიორიტეტებზე ისაუბრა. ელისო ბოლქვაძემ აღნიშნა, რომ ახალი მენეჯერის საქმიანობა ორიენტირებული იქნება თანამედროვე ხელოვნების სივრცის ფუნქციურ და შემოქმედებით გაძლიერებაზე, სახელოვნებო პროცესებში ახალგაზრდების ჩართულობის უზრუნველყოფაზე, დამწყები ხელოვანების ხელშეწყობასა და საერთაშორისო პროექტების განხორციელებაზე. გოგა ანთიძე 2025 წლიდან მუშაობდა აჭარის კულტურის სამინისტროში, საერთაშორისო და საზოგადოებასთან ურთიერთობების განყოფილებაში, მანამდე კი, თბილისის სახელმწიფო უნივერსიტეტის საზოგადოებასთან ურთიერთობის დეპარტამენტში. აქვს გამოცდილება კულტურული ინიციატივებისა და პროექტების დაგეგმვისა და ორგანიზების, საზოგადოებასთან და მედიასთან კომუნიკაციის მიმართულებებით. იგი მონაწილეობდა არაერთ საერთაშორისო პროექტსა და ფესტივალში.