თანამედროვე ხელოვნების სივრცე გიწვევთ თვითნასწავლი მხატვრის, ნუცა დუჩიძის მეხუთე პერსონალურ გამოფენაზე (ბათუმში რიგით მეორე).

ექსპოზიციაზე წარმოდგენილია შერეული ტექნიკით პასტელითა და აკრილით შესრულებული ნამუშევრები, რომლებიც ავტორის მოგონებებსა და ემოციებს გადმოსცემს. გამოფენა „გზა უშენოდ“ მხატვარმა თავისი გარდაცვლილი მეუღლის ხსოვნას მიუძღვნა. ტილოებში ერთმანეთში იკვეთება სიყვარული, მონატრება, ტკივილი, იმედი და ის გზა, რომლის გავლაც ადამიანს საყვარელი ადამიანის დაკარგვის შემდეგ უწევს.

ნამუშევრები აერთიანებს რეალურ და სიმბოლურ სახეებს, რომლებიც დამთვალიერებელს ემოციურ მოგზაურობაში იწვევს.

თარიღი: 15–24 ივნისი
გახსნა: 15 ივნისი, 18:00 საათი
ადგილი: თანამედროვე ხელოვნების სივრცე
დასწრება თავისუფალია