არტისტი: ჯალა ვაჰიდი
კურატორი: ელენე აბაშიძე
გამოფენა “კლდის ციხე-სიმაგრე” სათაურს იღებს ჩრდილოეთ ქურთისტანის ქალაქი ჰესკიფიდან. ეს უძველესი ქალაქია, რომელიც ათასწლეულების მანძილზე შექმნილ ცივილიზაციის ფენებს მოიცავს. ჰესკიფი ახლა სრულადაა ჩაძირული წყლის ქვეშ, თურქეთის “სამხრეთ-ანატოლიის პროექტის” შედეგად. ეს პროექტი მოიცავს 22 კაშხალის, 19 ელექტროსადგურის და სარწყავი სქემების აშენებას 17,000 კმ2 მიწის მასაზე, მდგრადი განვითარების, ეკონომიკური ზრდის და მრავალსექტორული რეგიონალური განვითარების იდეის ფარგლებში. ათწლეულების მანძილზე ამ პროექტის განვითარებამ განაპირობა ათასობით ქურთის გადაადგილება და დატბორვის შედეგად მათი კულტურის აღმოფხვრა.
ქანდაკების, ხმის და სინათლის ინსტალაციის საშუალებით, „კლდის ციხე-სიმაგრე“ იკვლევს წყალქვეშ მიმდინარე ჩუმ ომს, სადაც სიჩუმე, როგორც ფიზიკური, ასევე პოლიტიკურია. ეს არის პროვოკაცია, რომელიც ახსენებს მაყურებელს წაშლილ ისტორიას. წყალდიდობის დადგომის შემდეგ, ათასწლეულების განმავლობაში ცივილიზაციებით მოცული იკონოგრაფიული ლომები მღერიან და იყენებენ ბეითოკანის კურმანჯულ მელოდიებს, რომელიც წარადგენს ქურთულ კულტურას. პროცესის მიმდინარეობისას წამოიჭრა კითხვები, ისტორიული ფაქტების ინტერპრეტაციისა და გეოპოლიტური კონტექსტის მიღმა ქურთისტანის სამომავლო საზღვრების წარმოდგენების ეთიკურობასთან დაკავშირებით.
ხმის ნამუშევარი „კლდის ციხე-სიმაგრე“ შესრულებულია ჯულია კატარინას მიერ, პროდიუსერი ოუვენ პრატი.
