მონაწილე ხელოვანები: ანი გურაშვილი, ელენე ლაპიაშვილი, ქეუ მეფარიშვილი, ანა ჩადუნელი, გვანცა ჯიშკარიანი
წარმოდგენილი ნამუშევრები განიხილავენ ისეთ თემებს, როგორიცაა იდენტობა, გენდერული როლები და სტერეოტიპები, პირადი ისტორიები თუ კოლექტიური მეხსიერება, მისტიციზმი და კლიშე.
გამოფენა ერთგვარი პასუხია ზოგად მსოფლიო ტენდენციაზე, სადაც ძლიერი ქალი დაწინაურდა და თავის ადგილს იმკვიდრებს, როგორც სუბიექტი და საკუთარი თავის პატრონი.
გამოფენის სათაური ერთგვარი ხუმრობაა იმ ორ წამყვან იარლიყზე, რომელსაც დამოუკიდებელ, ძლიერ ქალებს აწებებენ ხოლმე, მათი დამცირების და გარიყვის მიზნით. მათ, ვისაც საკუთარი აზრის გამოთქმის სურვილი აქვთ: ან ჯადოქრებს უწოდებენ და წვავენ, ან ძუკნებს არქმევენ და მათზე ძალადობენ. სათაური ხაზს უსვამს ამ ფიქსაციას, რომელიც თითქოს ზიზღნარევი და ნეგატიური დამოკიდებულებაა, მაგრამ სინამდვილეში, ხშირად, ძლიერი მიზიდულობით და შეპყრობილი მიჯაჭვულობითაა გამოწვეული. სინამდვილეში კი, თანამედროვე ჯადოქრებს ეს იარლიყები ვეღარ გააჩერებენ, პირიქით, ეს მათთვის ბრძოლის გაგრძელების მოტივაცია და დაბრკოლებაა, რომელსაც წამში გაანადგურებენ!
