კვირას, 19 მარტს 19:00 საათზე თანამედროვე ხელოვნების სივრცე წარმოგიდგნეთ ანდრო დადიანის პერსონალურ გამოფენას -***. 

"დამშვიდობება წმინდა საქმეა", -თქვა მან

ანდრო დადიანის უსათაურო გამოფენა სიყვარულთან გამომშვიდობების აქტია, რომელიც საკრალური რიტუალის ძალადობრივ შეწყვეტას მოგვაგონებს. გამოფენის უსათაურობა ავტორის უსიტყვო, გამშრალ, უიმედო სულიერ მდგომარეობას გამოხატავს. ექსპოზიციის პერეფრაზა - “დამშვიდობება წმინდა საქმეა, - ანდრო დადიანის შეყვარებულს ეკუთვნის, “თქვა მან” - კი ბიბლიიდანაა, ასე მოიხსენიებს იობი ღმერთს, ხელოვანი კი იობის წიგნის მიბაძვით საკუთარ სიყვარულს ღმერთად წარმოისახავს.

გამოფენის ლირიკულ გმირს, აკრძალულ, ჩამორთმეულ სიყვარულს, უიმედობასა და უღმერთობაში თავიდან უწევს ისწავლოს ცხოვრება და გაუვალ სიბნელეში გზა გაიკვლიოს ბრაილის შრიფტითა და უსახური ხმებით.

ავტორი განსაკუთრებულ, მეტაფორული მნიშვნელობას აძლევს ნივთების ფიზიკურ წონას, ფერს, მასალას, - თიხა-მიწას, როგორც სიკვდილის, დაბადებისა და სიცოცხლის მთავარ ენერგიას. მასალის ჩამონათვალში მნიშვნელოვანია ასევე პური, ადამიანის ძვლები, რკინა და მინა, როგორც სამყაროს ევოლუციის, კულტურისა და ფლობა-დამორჩილების მეტაფორა.

მუსიკა: გიორგი ბადურაშვილი, ილია მიგრიაული